ગુજરાત બાયોટેક્નોલૉજી પૉલિસી 2022-2027

ગુજરાત સરકારે નવી ગુજરાત બાયોટેક્નોલૉજી પૉલિસી જાહેર કરી છે. આ નવી પૉલિસી આગામી પાંચ વર્ષ એટલે કે ર૦રરથી ર૦ર૭ સુધી અમલમાં રહેશે. આ પૉલિસીમાં બાયોટેક્નોલૉજી ક્ષેત્રની ફ્રન્ટિયર ટેક્નોલૉજીઝ આવરી લેવામાં આવી છે, તેમજ બાયોટેક્નોલૉજી પ્રોડક્ટ્સ અને સર્વિસીઝની યાદીને વધુ વ્યાપક કરવામાં આવેલી છે. આ પૉલિસી રાજ્યમાં બાયોપ્લાસ્ટિક્સથી લઈને જિન સ્પ્લાઇસિંગ અને સ્ટેમ સેલ થૅરપી જેવાં ક્ષેત્રો માટે પ્રોત્સાહક બનશે. આ ઉપરાંત પ્રિ-ક્લિનિકલ ટેસ્ટગ, ખાનગી સેક્ટરમાં જિનોમ સિક્વસિંગ, પ્લગ ઍન્ડ પ્લે ફૅસેલિટીઝ, પ્રાઇવેટ સેક્ટર BSL3 સર્ટિફિકેશન લૅબોરેટરીઝ જેવા સ્પેશિયલ પ્રોજેક્ટસને સહાયસપોર્ટથી આ નવી બાયોટેક્નોલૉજી પૉલિસી ઇકોસિિસ્ટમને વધુ સુગ્રથિત કરશે.

મુખ્યમંત્રીશ્રીએ જાહેર કરેલી ગુજરાત બાયોટેક્નોલૉજી પૉલિસી (૨૦૨૨-૨૭)ની કેટલીક મહત્ત્વપૂર્ણ વિશેષતાઓ:

1. ઇનોવેટિવ CAPEX તેમજ OPEX મૉડેલથી એકંદરે સહાયનો દર અને સહાયની માત્રા એમ બંનેમાં મહત્ત્વપૂર્ણ વધારો કરવામાં આવ્યો છે.
2. વડાપ્રધાન શ્રી નરેન્દ્રભાઇ મોદીના આત્મનિર્ભર ભારતના વિઝનને સાકાર કરવા સ્ટ્રૅટેજિક પ્રોજેક્ટ્સ અને મેગા/લાર્જ પ્રોજેક્ટસને સ્પેશિયલ પૅકેજ આપીને આગવું મહત્ત્વ આપવામાં આવ્યું છે, તે ઍન્કર યુનિટ્સ અને હાલમાં કાર્યરત ઉદ્યોગો દ્વારા નવા રોકાણને આકર્ષિત કરશે અને રાજ્યમાં રોજગારીની નવી તકો ઊભી કરશે. 
3. રૂ. ૨૦૦ કરોડથી ઓછી મૂડીરોકાણવાળા MSME ઉદ્યોગોને રૂ. ૪૦ કરોડની મહત્તમ મર્યાદામાં અને રૂ. ૨૦૦ કરોડથી વધુ મૂડીરોકાણવાળા મેગા/લાર્જપ્રોજેક્ટસને, તેમજ ઇકોસિસ્ટમ સશક્તીકરણ, ઇમર્જિંગ ટેક્નોલૉજીસ ઇન ચૅલેન્જિંગ એરિયાઝ અને સ્ટ્રૅટેજિક મહત્ત્વતા ધરાવતા સ્પેશિયલ પ્રોજેક્ટ્સને રૂ. ૨૦૦ કરોડની મહત્તમ મર્યાદામાં કુલ મૂડીખર્ચના ૨૫% સહાય, કુલ ૫ વર્ષમાં ૨૦ ત્રિમાસિક હપ્તાના સ્વરૂપમાં અપાશે. 
4. રૂ. ૨૦૦ કરોડથી ઓછી મૂડીરોકાણવાળા MSME ઉદ્યોગોને પ્રતિવર્ષ રૂ. ૫ કરોડ પ્રતિવર્ષની મહત્તમ મર્યાદામાં અને રૂ. ૨૦૦ કરોડથી વધુ મૂડીરોકાણ વાળા મેગા પ્રોજેક્ટ્સને, તેમજ ઇકોસિસ્ટમ સશક્તીકરણ જેવા સ્પેશિયલ પ્રોજેક્ટ્સને રૂ. ૨૫ કરોડ પ્રતિવર્ષની મહત્તમ મર્યાદામાં કુલ ઓપરેટિંગ ખર્ચના ૧૫% સહાય આપવામાં આવશે; આ સહાયમાં પાવર ટેરિફ, પેટન્ટ સહાય,માર્કેટિંગ ડેવલપમેન્ટ સહાય, લીઝ રેન્ટલ સબસિડી, બૅન્ડવિડ્થ લીઝિંગ, અને ક્વૉલિટી સર્ટિફિકેશન માટેના ખર્ચનો સમાવેશ કરવામાં આવ્યો છે.
5. રોજગારીને પ્રોત્સાહન: એક વર્ષથી વધારે સમય સુધી અરજકર્તા કંપની સાથે જોડાયેલાં હોય તેવાં પ્રત્યેક સ્થાનિક પુરુષ અને મહિલાને અનુક્રમે રૂ. ૫૦,૦૦૦ અને રૂ. ૬૦,૦૦૦ની સહાય અપાશે. 
6. એમ્પલોયમેન્ટ પ્રૉવિડન્ટ ફંડ: પ્રત્યેક મહિલા અને પુરુષ કર્મચારી માટે અરજકર્તા કંપનીએ ભરેલી એમ્પલોયમેન્ટ પ્રૉવિડન્ટ ફંડ ઉપર અનુક્રમે ૧૦૦% અને ૭૫% વળતર. 
7. ટર્મ લોન ઉપર વ્યાજ સબસિડી: રૂ ૧૦૦ કરોડ સુધીની ટર્મ લોન ઉપર ભરેલા વ્યાજ સામે વાર્ષિક રૂ. ૭ કરોડની ટોચમર્યાદામાં, ૭%ના દરે ત્રિમાસિક વળતર. ઉપરાંત, રૂ ૧૦૦ કરોડથી વધુની ટર્મ લોન ઉપર, વાર્ષિક રૂ. ૨૦ કરોડની મહત્તમ મર્યાદામાં, ભરેલા વ્યાજ સામે ૩%ના દરે ત્રિમાસિક વળતર. 
8. ઇલેક્ટ્રિસિટી ડ્યુટી: પાંચ વર્ષ માટે ભરેલી ઇલેક્ટ્રિસિટી ડ્યુટી ઉપર ૧૦૦% વળતર.
9. દેશમાં ઉત્પાદન ન થતી હોય તેવી પ્રોડક્ટ્સનું ઉત્પાદન કરતા ઉદ્યોગોને આત્મનિર્ભર ભારત વિઝનને સાકાર કરવાના ઉદ્દેશ્યથી સ્ટ્રૅટેજિક મહત્ત્વના પ્રોજેક્ટ્સ હેઠળ સમાવેશ કરી ઇકોસિસ્ટમ સશક્તીકરણ તથા મેગા અને લાર્જ પ્રોજેક્ટસને મળતા સ્પેશિયલ પૅકેજ દ્વારા વધારાની સહાય આપવાની જોગવાઈ કરવામાં આવેલી છે. 
10. સ્પેશિયલ પૅકેજ હેઠળ મંજૂરી મળેલા પ્રોજેક્ટ્સને રાજ્ય સરકારના આંતર-વિભાગીય સંકલન અને સિંગલ પૉઇન્ટ ઑફ કૉન્ટેક્ટથી જમીન ફાળવણી તથા અન્ય પાયાની ઇન્ફ્રાસ્ટ્રકચર સંબંધિત જરૂરિયાતો જેમ, અપ્રોચ રોડ, પાણી- પુરવઠો, ઇલેક્ટ્રિસિટી, ગટર વગેરે માટે સર્વાંગી સુવિધા પૂરી પાડવામાં આવશે. 

આ નવી બાયોટેક્નોલૉજી પોલિસી ર૦રર-ર૭થી બાયોટેક્નોલૉજિકલ ડ્રિવન ઇકોનૉમી દ્વારા આત્મનિર્ભર ગુજરાતથી આત્મનિર્ભર ભારતનો સંકલ્પ સાકાર કરવામાં ગુજરાત લીડ લેવા પ્રતિબદ્ધ છે.